对不起，此内容只适用于美式英文。 For the sake of viewer convenience, the content is shown below in the alternative language. You may click the link to switch the active language.

血流成河，曙光初現

本週大事莫過於希臘講唔掂數，當希臘要求債務延期時，歐盟各國還有IMF的態度變得異常強硬；這次估計希臘會技術上違約，最後為免國家破產只好賣田賣地還債，但估計歐盟不會踢希臘出局，免得其他幾隻豬有樣學樣。歐洲爆煲邊個著數，唔使問都知道係美國，要避險就只有美元和相關的美元資產。歐洲出事，大量資金流入美元資產，聯儲局就可以推遲加息，反正低息都有錢入，經濟泡沫有人繼續幫手吹大佢，何樂而不為。歐美市場反應一般，跌得少，看來早早預到有今日。很久前默克爾話過有Plan B，市場以為女人講說話靠嚇，呢次睇下係唔係齋talk。央媽出連環拳，降息降準，連開緊市都發新聞稿安撫市場情緒，用心良苦，大盤也出現資金力挺銀行股，看來A股已到安全線，散戶值得慶幸。香港就被人左一巴右一巴，以為央媽出招，可以跟一轉反彈，點知希臘玩火，星期一上晝俾希臘放火，下晝跟阿爺跳水，最多唔見1000點，收市都要跌700，呢個結算日都算難忘。提醒大家，期權在26日就開始見大手開好倉，大市應該見底，你問我原因係乜？避險要買美元相關資產，美股已經高位，美債又息低，港股之前唔跟人升，炒落後都應該有份卦，鬼叫港幣有聯匯咩。

 

講番隻皓天財經集團1260，公司成立近20年，港股暫時唯一一家財經公關上市公司，主要業務包括財經公關、投資者關係、路演等。公司先後服務過 200 多個客戶，其中 35%來自IPO 客戶，65%來自已上市公司。管理團隊擁有豐富業務經驗包括開拓國內業務的人際關係，這一點可從公司在中資IPO項目的接單能力體現出來，近年成功個案包括萬達商業、中廣核電力這樣的旗艦項目。皓天目前業務主要以香港市場為基地，但集團早在2012年已在北京成立全資子公司，目前內地業務以北京為總部，在上海、深圳均有分公司。皓天在港股市場過往的業務基礎和經驗將成為拓展內地市場的重要支持。集團在4月先後沽出投資性質優先票據和配股集資合共約6億，用作建立O2O專業服務平台皓天雲；未來可通過接入協力廠商提供的資料、應用和服務，利用大數據分析解決客戶不同需求，更可採用移動互聯網方式接入，方便客戶隨時隨地訪問雲端服務。至於全年業績，純利增長29.3%至1.99億元，毛利率上升5個百分點至54.2%，路演業績增1.1倍，全年有32個首次公開發售(IPO)客戶上市，現有30多個IPO客戶申請上市中，中長線值得看好，加上去年公司派息率60%，參考A股同業藍色光標59倍PE。可以考慮在2.10附近買入，6個月目標價3.50。

下星期講下隻華瀚生物製藥587